Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

bojeć so kaž čert swjećeneje wody {někoho, něčeho} [něchtó so někoho, něčeho boji kaž čert swjećeneje wody]
`so někoho, něčeho jara bojeć´ | `etwas sehr fürchten´ etwas fürchten wie der Teufel das Weihwasser

Wörterbuchbelege

bojeć so kaž čert swjećeneje wody (Trofimowič 358)

přikłady z literatury

Muž so tola dźěła boji kaž čert swjećeneje wody. (Wjela, Roboty 95) Parnitzka hižo ani kročałki do cyrkwje njestupi, boji so tamneje pólneje cyrkwje kaž čert swjećeneje wody. (Młynkowa, ZS 2, 170) A přećelny "imam" da so radlubje fotografować před swojej dźamiju, z čehož spóznaješ, zo je doprědkar doprědkarski, přetož zasakły mohamedan ćěka před fotoaparatom kaž čert před swjećenej wodu. (Njechorński, Podlěćo 59)

wróćo